Polisi Cyfathrebu Di-Wifr

1.0 Diben

Er mwyn diogelu cyfanrwydd y rhwydwaith cyfrifiadurol yng Nghyngor Aberystwyth, eglurir yma nad yw ond systemau di-wifr sy'n bodloni'r meini prawf a nodir isod a gaiff eu cymeradwyo ar gyfer eu cysylltu â rhwydweithiau Cyngor Aberystwyth. Gwaherddir mynediad trwy fecanwaith cyfathrebu diwifr anniogel.

2.0 Cwmpas

Mae'r canllawiau hyn yn ymdrin â phob dyfais cyfathrebu data di-wifr (e.e. cyfrifiaduron personol, ffonau symudol, Cynorthwywyr Digidol Personol ac ati) sydd wedi'u cysylltu ag unrhyw un o rwydweithiau mewnol Cyngor Aberystwyth. Mae hyn yn cynnwys unrhyw fath o ddyfais cyfathrebu ddiwifr sy'n gallu trosglwyddo data pecyn. Nid yw dyfeisiau di-wifr nad ydynt wedi eu cysylltu â rhwydwaith Cyngor Aberystwyth yn dod o dan gymalau'r polisi hwn.

3.0 Canllawiau

3.1 Cofrestru Pwyntiau Mynediad

Mae'n rhaid cofrestru pob Gorsaf a Phwynt Mynediad di-wifr sydd wedi eu cysylltu â rhwydwaith Cyngor Aberystwyth ac mae'n rhaid iddynt gael eu cymeradwyo gan Wasanaeth Technegol Cyngor Aberystwyth.

3.2 Technoleg a Gymeradwyir

Mae'n bwysig nad yw adrannau, pwyllgorau na chynghorwyr a staff unigol yn prynu pwyntiau mynediad di-wifr nad ydynt yn briodol i'w defnyddio yng Nghyngor Aberystwyth. Er mwyn manteisio ar wasanaeth di-wifr y Cyngor, ac i integreiddio â rhwydwaith mewnol diwifr presennol Cyngor Aberystwyth, mae'n rhaid ystyried nifer o ffactorau yn ofalus iawn:

• a yw'r offer yn safonol ac a yw'n cyd-fynd ag offer arall;
• addasrwydd y lleoliad a'r offer ar gyfer y defnydd dan sylw;
• cynhwysedd unrhyw ddolenni rhwydwaith a'r llwybr rhwydwaith;
• diogelwch ffisegol y pwynt mynediad diwifr;

3.3 Dilysu ac Amgryptio

Mae'n rhaid i bob cyfrifiadur sydd â dyfeisiau LAN diwifr ddefnyddio Mynediad Wi-Fi wedi ei Ddiogelu, ac mae'n rhaid iddynt gael eu ffurfweddu i gael gwared ar unrhyw draffig nad yw wedi ei ddilysu na'i amgryptio. Ystyrir yn gryf mai fersiwn 2 (WPA2) sydd orau er mwyn diogelwch gwell dros fersiwn 1 (WPA). Ni ddylid gwneud UNRHYW ddefnydd o'r Brotocol Amgryptio Di-Wifr (WEP) wedi ei anghymeradwyo. Ni ddylid gwneud UNRHYW ddefnydd o Gosodiad Di-Wifr Diogeledig (WPS) a rhaid ei analluogi ar bob pwynt mynediad, gan ei fod yn cynrychioli perygl diogelwch. I gydymffurfio â'r polisi hwn, mae'n rhaid i weithredoliannau di-wifr gynnal lefel uchel o amgryptiad pwynt i bwynt.

3.4 Gosod yr SSID

Mae'n rhaid i'r SSID gael eu ffurfweddu er mwyn iddo beidio â chynnwys unrhyw wybodaeth adnabyddedig am y sefydliad, megis enw Cyngor Aberystwyth, enw'r gweithiwr, neu wybodaeth arall.

4.0 Diffiniadau